სასტუმრო ბიზნესი COVID-რეგულაციების შემსუბუქებას დადებითად ხვდება და ზაფხულის ტურისტულ სეზონზე პოზიტიურ გათვლას აკეთებს. სასტუმრო "დრიმლენდ ოაზისი", რომელიც ტურიზმის ეროვნულ ადმინისტრაციასთან ერთად აქტიურად იყო ჩართული საკარანტინე ზონების მოწყობის პროექტში, პანდემიის პერიოდშიც გაფართოებას განაგრძობდა და დღეს საკმაოდ მყარი თანამშრომლობა აქვს ყაზახეთის, უზბეკეთის, უკრაინის ტუროპერატორებთან. 

სასტუმრო "დრიმლენდ ოაზისის" გაყიდვების ხელმძღვანელი მარია მალიანი ამბობს, რომ საქართველოს ეკონომიკა დიდ წილად დამოკიდებულია ტურიზმის სფეროდან შემოსულ თანხებზე, შესაბამისად "ხელისუფლება მაქსიმალურად ცდილობს შეამსუბუქოს რეგულაციები და ხელი შეგვიწყოს უცხოელი ვიზიტორების მოზიდვაში".

- არსებული ეპიდვითარების ფონზე, რა გათვლები და მოლოდინები აქვს სასტუმრო "დრიმლენდ ოაზისს" 2021 წლის ზაფხულის ტურისტულ სეზონზე და როგორია ამ დროისათვის ჯავშნების რაოდენობა?

მარია მალიანი: მოგეხსენებათ, COVID-პანდემიამ ტურისტულ სექტორს საკმაოდ დიდი ზიანი მიაყენა, გამონაკლისი არც საქართველოა. წელს ფაქტიურად ნულიდან დავიწყეთ ყველა პროცესი, დაწყებული ფასების დადგენით, პარტნიორებთან განახლებული სამუშაო პირობებით და რა თქმა უნდა COVID-რეგულაციებზე მორგებული სამუშაო პროცესებით.

"დრიმლენდ ოაზისის" გუნდი საკმაოდ პოზიტიურად არის განწყობილი 2021 წლის ტურისტული სეზონისადმი. პარტნიორი კომპანიებისგან არის საკმაოდ მაღალი დაინტერესება, დავამყარეთ მჭიდრო თანამშრომლობა ყაზახეთის, უზბეკეთის, უკრაინის ტუროპერატორებთან და მოლოდინი გვაქვს წლევანდელი ტურისტული სეზონის წარმატებით ჩატარების.

- გაიხსნა სახმელეთო საზღვრებიც, რაც იმას ნიშნავს, რომ მინიმუმ მეზობელი ქვეყნებიდან დაიწყება ვიზიტორების შემოდინება, როგორ ხვდება "დრიმლენდ ოაზისი" ახალ ტურისტულ სეზონს და მოსალოდნელი სტუმრიანობის ზრდის ფონზე რაიმე ცვლილებები ხომ არ შეგიტანიათ სასტუმროს და ზოგადად მთლიანად ინფრასტრუქტურის ფუნქციონირების მხრივ?

- ახალ ტურისტულ სეზონს სასტუმრო "დრიმლენდ ოაზისი" ბევრი სიახლით ხვდება. 2021 წლის სეზონზე ჩვენ ვამატებთ 2 ახალ ღია აუზს. საერთო ჯამში ჩვენს ტერიტორიაზე იფუნქციონირებს 4 ღია აუზი, აკვაპარკი და იგეგმება დახურული აუზის გახსნაც.

სტუმრებისთვის უსაფრთხო გარემოს შექმნა ჩვენი ერთ-ერთი პრიორიტეტია. "დრიმლენდ ოაზისის" გუნდმა საკმაოდ დიდი გამოცდილება მიიღო, პანდემიის პერიოდში, როდესაც სასტუმრო ჩართული იყო სახელმწიფო კარანტინის პროექტში.

ყველა დეპარტამენტს გავლილი აქვს ყველა საჭირო ტრენინგი, რათა სტუმრების მიღება და მათთვის სერვისის გაწევა მოხდეს COVID-რეგულაციების გათვალისწინებით.

ასევე, წელს გეგმაში გვაქვს ლაბორატორიის გახსნა სასტუმროს ტერიტორიაზე, სადაც მოვემსახურებით სტუმრებს, როგორც სწრაფი, ასევე PCR ტესტებით.

სხვათაშორის, აქვე აღვნიშნავ, მთელი პანდემიის მანძილზე ჩვენ არ გაგვიჩერებია საინვესტიციო პროექტების განხორციელება და დავამატეთ 100 ნომრიანი სასტუმროს შენობა, 600 ადამიანზე გათვლილი საბანკეტო დარბაზი, ღია აუზები. 

მაღალი სეზონის მანძილზე ჩვენ კომპლექსში დასაქმებულია 500-ზე მეტი ადამიანი, ხოლო დაბალ სეზონზე სამსახური უნარჩუნდება 200-ზე მეტ თანამშრომელს.

- როგორ შეაფასებდით ხელისუფლების მიერ გადადგმულ ნაბიჯებს რეგულაციების შემსუბუქებასთან დაკავშირებით, რამდენად დროულად მოხდა საზღვრების გახსნა და როგორია თქვენი (ბიზნესის) შეფასება, რამდენად თანხვედრაში იყო მთავრობის ქმედებები ეპიდვითარებიდან გამომდინარე?

- ბიზნესსა და ხელისუფლებას შორის ხელშეწყობის პროცესი უნდა იყოს ორმხრივი. COVID-პანდემიის დაწყებიდან, "დრიმლენდ ოაზისი" იყო ერთ-ერთი პირველი სასტუმრო, რომელმაც სრულიად უსასყიდლოდ გადასცა სახელმწიფოს სასტუმროს ბალანსზე არსებული ნომრები და ჩაერთო კარანტინის პროექტში.

საქართველოს ეკონომიკა დიდ წილად დამოკიდებულია ტურიზმის სფეროდან შემოსულ თანხებზე, შესაბამისად, ხელისუფლება მაქსიმალურად ცდილობს შეამსუბუქოს რეგულაციები და ხელი შეგვიწყოს უცხოელი ვიზიტორების მოზიდვაში.

მოგეხსენებათ, ეკონომიკისა და მდგრადი განვითარების მინისტრის მოადგილედ დაინიშნა, ტურიზმის ეროვნული ადმინისტრაციის ყოფილი ხელმძღვანელი მარიამ ქვრივიშვილი, რომელმაც ძალიან კარგად იცის რა სირთულეებს გადის ტურიზმი ამ პერიოდში და როგორი მხარდაჭერა გვჭირდება ჩვეულ რიტმში დასაბრუნებლად. ვიმედოვნებთ, ივნისის პირველი ნახევარი იქნება რეგულაციების შემსუბუქების პერიოდი.

- "დრიმლენდ ოაზისის" მაგალითზე, გასული წლების გამოცდილების გათვალიწიენებით, სტუმრების რა წილი მოდიოდა შიდა და რა უცხოელ ვიზიტორებზე და როგორი იყო მათი სასტუმროში ღამისთევის საშუალო მაჩვენებლები? პანდემიის გათვალისწინებით, არსებული ჯავშნების ფონზე როგორია დღეისათვის დაგეგმილი ღამისთევების საშუალო რაოდენობა, ხო არ მომხდარა კორექტირება?

- "დრიმლენდ ოაზისი" საკმაოდ პოპულარული მიმართულებაა საოჯახო დასვენებისთვის. სასტუმროს გარდა ჩვენ ვთავაზობთ ვიზიტორებს აპარტამენტებს, რომლებიც აქტიურად იყიდება და მთელი წლის მანძილზე ჩვენ გვყავს მუდმივი მაცხოვრებლები.

გასულ წელს, პანდემიიდან გამომდინარე დამსვენებლების 90%-ს შეადგენდა საქართველოს მოსახლეობა. ჩამოდიოდნენ, როგორც ინდივიდუალურად, ასევე საოჯახო განთავსებით.

მიუხედავად შეზღუდვებისა, ჩვენ საკმაოდ წარმატებით, ყველა COVID-რეგულაციის დაცვით ჩავატარეთ 2020 წლის ზაფხულის სეზონი.

კიდევ ერთხელ ვამბობ, ჩვენთვის ძალიან მნიშვნელოვანია რეგულაციების შემსუბუქება, რადგან ტერიტორიაზე გვაქვს 16 სხვადასხვა კონცეფციის რესტორნები და ბარები, სადაც აქტიურად ხდებოდა კორპორატიული წვეულებების, ქორწილების, დაბადების დღეების და სხვა ტიპის ღონისძიებების დაჯავშნა. ახლა ეს ყველაფერი შეჩერებულია და ველოდებით ხელისუფლების მხრიდან გადაწყვეტილების მიღებას. მანამდე კი ყველას გეპატიჟებით ჩვენს უსაფრთხო გარემოში, სადაც თქვენი დასვენება დაუვიწყარ ემოციად იქცევა.