"ლელოს" ლიდერი სებ-ის პრეზიდენტს მიმართავს. მამუკა ხაზარაძემ პარლამენტის საკომიტეტო მოსმენაზე მისულ კობა გვენეტაძეს უთხრა, რომ იმ შედეგების მიხედვით, რომელსაც სებ-ის პრეზიდენტი დებს, ასეთი მაღალი ანაზღაურების მენეჯერს არცერთი კერძო ბიზნესი არ დაიქირავებდა.
„ყველაზე ძვირადღირებული მენეჯერი ხართ ქვეყანაში, რომელსაც ვუხდით ფულს და რომელიც თანამშრომლებს ამ კრიზისულ პერიოდში 5 მილიონ პრემიებს უწერს.
იმ შედეგების მიხედვით, რომელსაც თქვენ დებთ, ასეთი ანაზღაურების მენეჯერს არცერთი კერძო ბიზნესი არ დაიქირავებდა.
მოგიწოდებთ, პასუხისმგებლობა გამოიჩინოთ და გადადგეთ იმ თანამდებობიდან რომელსაც იკავებთ ყოველგვარი შედეგის გარეშე“ - საფინანსო-საბიუჯეტო კომიტეტის სხდომაზე მამუკა ხაზარაძემ კობა გვენეტაძეს გადადგომისკენ მოუწოდა.
„ეროვნული ბანკის კანონის შესაბამისად ძალიან მკაფიოდ არის გამოკვეთილი, თუ რაზე არის პასუხისმგებელი ეროვნული ბანკი და მისი პრეზიდენტი და მთლიანად საბჭო. ერთ-ერთი მნიშვნელოვანი მიმართულება არის ფულად საკრედიტო მონიტორინგი და ასევე ინფლაციის დონე.
ჩვენ, როცა ვსაუბრობთ შედეგებზე და აუცილებლად შეფასება მიეცემა ეროვნული ბანკის მუშაობას, უნდა შეფასდეს დადებითად ან უარყოფითად, ან მადლობა გადავუხადოთ და ვუთხრათ, რომ ასე გააგრძელოს მუშაობა, ან პირიქით, საყვედური უნდა გამოვუცხადოთ და ა.შ, ამიტომ მოდით შევთანხმდეთ შეფასების კრიტერიუმზე, როგორ უნდა შეფასდეს ერთ-ერთი ყველაზე ძვირადღირებული მენეჯერი ქვეყანაში, რომელსაც ვუხდით ფულს და რომელიც თანამშრომლებს ამ კრიზისულ პერიოდში 5 მილიონ პრემიებს უწერს. გავმეორდები, რომ კარგად გაიგოს მოსახლეობამ, ერთ-ერთი ყველაზე ძვირადღირებული მენეჯერი იწერს პრემას იმ შედეგების შემდეგ, რომელსაც ახლა მოგახსენებთ.
გამოვყოფ სამ საკითხს: პირველი- ლარის კურსი, რომელიც ბატონი გვენეტაძის ეროვნული ბანკის პრეზიდენტობის დროს 40%ზე მეტად გაუფასურდა. ეს თქვენი საქმეა ბატონებო და ნუ იტყვით, რომ ლარის სიმყარე თქვენ არ გეხებათ.
მეორე, როდესაც ლაპარაკია შოკებზე, პირველი შოკი უნდა ეძებოთ ეროვნული ბანკის მმართველობაში. მეორე საკითხი ეს არის ინფლაციის დონე. თქვენ თუ იძახით, რომ ინფლაციის დონე არის ეროვნული ბანკის ამოცანა, თქვენ ინფლანციის დონე გაგექცათ სასწაულად. ვერ აკონტროლებთ ვერანაირ სამომხმარებლო ფასებს და იმფლაციის დონე დღეს ქვეყანაში გაქცეულია 7%ზე მეტად.
მესამე საკითხი - თქვენ, როგორც რეგულატორი ამავე დროს უწევთ რეგულაციას, კაპიტალის ბაზარს. გრძნობთ თუ არა ინტერესთა კონფლოქტს. იმიტომ, რომ ერთის მხრივ, იყო რეგულატორი საფინანსო საკრედიტო რეგულაციების და მეორეს მხრივ კაპიტალის ბაზრის, რომელიც პირდაპირ პროპორციულად უნდა იყოს საბანკო სისტემის.
საქართველოში არ არსებობს არანაირი არხი ბიზნესისთვის, რომ მათ მოიძიონ ფული საკუთარი საქმიანობისთვის. ეს პირველ რიგში იწვევს საკმაოდ დიდ უკმაყოფილებას, არცერთი კომპანია კაპიტალიზირებული არ არის საქართველოში და აქედან გამომდინარე მიჩნდება კითხვა - რა გააკეთეთ იმისათვის, რომ საფონდო ბირჟაზე სადაც 2000 ლარის გარიგება იყო სულ რაღაც 8 თვის განმავლობაში და ძალიან გთხოვთ არ მითხრათ , რომ ფონდები ივაჭრება. ფონდები არ არის ფასიანი ქაღალდები და შეცდომაში არ შეიყვანოთ მსმენელი. ლაპარაკია კორპორაციების მიერ გამოშვებულ ფასიან ქაღალდებზე.
პრაქტიკულად თქვენ ეს მიმართულება მოკალით და ქვეყანაში არანაირი პერსპექტივა არ არსებობს იმისათვის, რომ საერთაშორისო ბიზნესმა ან თუნდაც ჩვენმა მოქალაქეებმა მიიღონ მონაწილეობა სხვადასხვა კომპანოების მფლობელობაში.
ბოლოს დასკვნის სახით მინდა გითხრა, რომ ასეთი ანაზღაურების მენეჯერს ვერცერთი და არცერთი კერძო ბიზნესი არ დაიქირავებს იმ შედეგების მიხედვით რომელსაც თქვენ დებთ.
მოგიწოდებთ, პასუხისმგებლობა გამოიჩინოთ და გადადგეთ იმ თანამდებობიდან რომელსაც იკავებთ ყოველგვარი შედეგის გარეშე.“ - მამუკა ხაზარაძე.
https://www.facebook.com/mamukakhazaradzeofficial/videos/332748065106346
