კოვიდ პანდემიის გამო შექმნილი ვითარება განსაკუთრებით რთული და არაორდინარულია, აცხადებს სებ-ის პრეზიდენტი კობა გვენეტაძე, რომელიც პარლამენტის საფინანსო - საბიუჯეტო კომიტეტის სხდომაზე 2020 წლის ანგარიშს წარადგენს. მისი თქმით, ეკონომიკის აღდგენა და მდგომარეობის ნორმალიზება მეტწილად დამოკიდებული იქნება იმაზე, თუ რა ვადებში იქნება შესაძლებელი პანდემიის დაძლევა საქართველოში და გლობალურად.
"მაკროეკონომიკურად ძალზე რთული 2020 წლის განმავლობაში საქართველოს ეროვნული ბანკის ქმედებები დროული და ადეკვატური იყო, როგორც პანდემიამდე, ასევე პანდემიის დროს. ამას არაერთი ავტორიტეტული საერთაშორისო ორგანიზაციაც ადასტურებს - სარეიტინგო სააგენტოები, საერთაშორისო სავალუტო ფონდი, მსოფლიო ბანკი, აზიისა განვითარების ბანკი, ევროპისა და რეკონსტრუქციის ბანკი და სხვა", აცხადებს გვენეტაძე.
