პანდემიის პერიოდი საკმაოდ რთული იყო, თუმცა მცირეოდენი გამოცოცხლება უკვე შეინიშნება, აცხადებს ღვინის ეზო N1-ის დამფუძნებელი თიკა დუღაშვილი.
ღვინის ეზო N1-ში, რომელიც სტუმრებს გასტრო, აგრო და ეკო ტურებს სთავაზობს, აცხადებენ, რომ საზღვრების გახსნის შემდეგ უცხოელი ტურისტებიც გამოჩდნენ. მოლოდინები ოპტიმისტურია, თუმცა დუღაშვილის აზრით საჭიროა უფრო მეტი პირდაპირი რეისების დანიშვნა და ახალი მარშუტები გახსნა, რათა სფერო სწრაფად გამოცოცხლდეს." ტურიზმი არ არს მხოლოდ ერთი დარგი, მასზე მიბმულია მთელი ეკონომიკური ჯაჭვი"- ამბობს ღვინის ეზო N1-ის დამფუძნებელი.
"აზიასთან საზღვრის გახსნის შემდეგ აღმოჩნდა, რომ ძალიან ბევრი ადამიანი აშშ-დან თუ დიდი ბრიტანეთიდან ცხოვრობს ან მუშაობს დუბაიში ან კატარში - ზოგადად აზიაში და ეს ადამიანები ჩამოდიან დღეს საქართველოში და მოგზაურობენ. დღეს თუ ქუჩაში ტურისტებს ხედავთ, ეს ის ხალხია, რომელიც ამ მარშუტის ამოქმედების შემდეგ ჩამოვიდა ქვეყანაში", - ამბობს ღვინის ეზო N1-ის დამფუძნებელი.
თიკა დუღაშვილის თქმით, მის ობიექტზე უცხოელი ტურისტები უკვე გამოჩდნენ, თუმცა მისი აზრით, კარგი იქნება თუ ქვეყანაში უცხოელი ვიზიტორების შემოსვლის რეგულაციები კიდევ უფრო გამარტივდება, რაც დადებითად აისახება ტურისტული ნაკადების ზრდაზე.
"გვყავდა მცირედი ჯგუფები, 2-კაციანი, 4-კაციანი მაგრამ ეს არ არის ორგანიზებული ტურიზმი, რომელიც გულისხმობს კორპორაციების, ჯგუფების მოგზაურობას, რომელიც რეალურად არის ბიზნესი და მოაქვს შემოსავალი.
ტურისტების რაოდენობის ის მაჩვენებელი, რაც დღეს გვაქვს ძალიან მიზერული ციფრია პანდემიამდე არსებულ ტურისტულ მაჩვენებლებთან.
თუმცა საზღვრების გახსნამ ტურიზმში გარკვეული სიცოცხლე შემოიტანა", - აცხადებს დუღაშვილი.
