დღეიდან საქართველოს სახმელეთო საზღვრები იხსნება.
კორონავირუსის პანდემიის გამო, საქართველოს სახმელეთო საზღვრები გასული წლის მარტიდფან იყო დახურული.
საკოორდინაციო საბჭოს გადაწყვეტილებით, სახმელეთო საზღვრის კვეთა შესაძლებელი იქნება სრული ვაქცინაციის დამადასტურებელი დოკუმენტითა და PCR-ტესტის უარყოფითი პასუხით, ან მხოლოდ ბოლო 72 საათში ჩატარებული PCR ტესტის უარყოფითი პასუხით და ამ შემთხვევაში, ქვეყანაში შემომსვლელები ვალდებულნი იქნებიან, მესამე დღეს განმეორებით ჩაიტარონ PCR ტესტირება.
გარდა ამისა, იმ ქვეყნების ჩამონათვალს, რომელთა მოქალაქეებსა და რეზიდენტებს საქართველოს საზღვრის კვეთა ბოლო 72 საათში ჩატარებული „პისიარ“ ტესტის უარყოფითი პასუხით შეუძლიათ, ემატება კანადა, იაპონია, ქუვეითი, ჩინეთი, სამხრეთ კორეა, მოლდოვა, ომანი.
საქართველოში შემოსულ ვიზიტორებს მოეთხოვებათ ჯანმრთელობის დაზღვევა, შეძენილი თავიანთ ქვეყანაში, ან – საქართველოში.
