დაავადებათა კონტროლის ეროვნული ცენტრი სამხრეთ აფრიკულ შტამზე ერთ საეჭვო შემთხვევას იკვლევს. ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
გამყრელიძის განმარტებით, ახლა მიმდინარეობს გენეტიკური ანალიზი და რამდენიმე დღეში იქნება ზუსტი პასუხი.
"რაც შეეხება მიმდინარეობას, ის კლინიკური უფრო მეტი სიმძიმით არ გამოირჩევა და ზოგადად ნაკლებად არის გავრცელებული. ძირითადად ახლა მსოფლიოში, განსაკუთრებით ევროპაში ცირკულირებს ბრიტანული შტამი", - განაცხადა ამირან გამყრელიძემ.
