ჭყონდიდის მიტროპოლიტმა მეუფე სტენაფემ სალხინოს მამათა მონასტრის წინამძღვარი, იღუმენი დანიელ გვილავა სამღვდელო ხარისხიდან განკვეთა. თავისი გადაწყვეტილების შესახებ მეუფე სტეფანემ მარტვილის საკათედრო ტაძარში, ქადაგებისას განაცხადა.
მანამდე მიტროპოლიტმა სტეფანემ იღუმენ დანიელს 30-დღიანი ვადა მისცა, რათა მისთვის სალხინოს მონასტრის ტერიტორიაზე არსებული შენობა-ნაგებობების, მათ შორის მარნის გასაღებების გადაეცა. იღუმენი მიტროპოლიტის მოთხოვნას უარით პასუხობდა.
მეუფე სტეფანეს განცხადებით, იღუმენი დანიელი მონაწილეობდა საქართველოს მართლმადიდებლური ეკლესიის წინააღმდეგ მომზადებულ ამბოხში.
"განიკვეთოს სამღვდელო ხარისხიდან იღუმენი დანიელი, რომელსაც აკრძალული ჰქონდა მღვდელმსახურება, მაგრამ მიუხედავად მრავალი გაფრთხილებისა, განაგრძობდა ეკლესიის საწინააღმდეგო ქმედებებს.
რაც შეეხება საეკლესიო ქონებას, მის აღწერას და გადმობარებას, რადგან ასე არ ინებეს, მაშინ აუდიტის საშუალებით მოხდება ეს. თუ დაიწყებენ წინააღმდეგობის გაწევას, მაშინ რეალურად დადგება საკითხი, რომ მართლა არსებობს კორუფციული ინტერესი მათი მხრიდან," - განაცხადა მიტროპოლიტმა სტეფანემ ქადაგებისას.
