ნამახვანჰესის მოწინააღმდეგეთა აქცია ხვალ ისევ რიონის ხეობაში გადაინაცვლებს. როგორც აქციის ორგანიზატორმა, ვარლამ გოლეთიანმა აქციაზე განაცხადა, ისინი კოლონით დაიძვრებიან რიონის ხეობისკენ და შეეცდებიან, ადგილზე შეუშალონ ხელი კომპანიის მუშაობას.
"გადავწყვიტეთ, რომ ხვალ ისევ ამ სცენიდან მივმართოთ ჩვენი დედაქალაქის მოსახლეობას და, ზოგადად, ყველა ჩართულ ადამიანს ამ ბრძოლაში და ამის შემდეგ უკვე ჩვენ დავიძრათ ხეობაში კოლონით. ჩვენ მიზანშეწონილად მიგვაჩნია, რომ მივიდეთ იქ და ხელი შევუშალოთ უშუალოდ კომპანიის მუშაობას რიონის ხეობაში,"-განაცხადა ვარლამ გოლეთიანმა.
იქამდე, აქციის მონაწილეები გზის გადაკეტვის მიზნით ფილარმონიისკენ მსვლელობით გაემართნენ. ნამახვანჰესის მოწინააღმდეგეთა დედაქალაქში აქციას ხვალაც გამართავენ, რის შემდეგაც პროტესტს რიონის ხეობაში განაგრძობენ.
