იუსტიციის სამინისტროს 2019 წლის 30 მარტის შეფასებითი დოკუმენტი გასაჯაროვდა, სადაც დაწუნებულია "ნამახვანჰესების" კასკადი და უკიდურესად კრიტიკული შინაარსი აქვს ამ დოკუმენტს, - განაცხადა "ნამახვანჰესის" მშენებლობის წინააღმდეგ გამართულ აქციაზე ვარლამ გოლეთიანმა
"მოხდა მნიშვნელოვანი ფაქტი, გასაჯაროვდა იუსტიციის სამინისტროს დასკვნა. ეს არის 2019 წლის 30 მარტის შეფასებითი დოკუმენტი, სადაც დაწუნებულია "ნამახვანჰესების" კასკადი, უკიდურესად კრიტიკული შინაარსი აქვს ამ დოკუმენტს. დღემდე ეს დოკუმენტი იყო კონფიდენციალური სწორედ იმის გამო, რომ აღმასრულებელმა ხელისუფლებამ გადაწყვიტა პროექტის განხორციელება და არ გაითვალისწინა სამინისტროს დასკვნები, მათ შორის არც ფინანსთა სამინისტროსი, რომლის დასკვნაც დღემდე კონფიდენციალურია", - განაცხადა ვარლამ გოლეთიანმა.
