ამ ეტაპზე ქვეყანაში სხვადასხვა კოვიდვაქცინის მარაგი 200 000-ს შეადგენს. დაავადებათა კონტროლის ეროვნული ცენტრის ხელმძღვანელის ამირან გამყრელიძის განმარტებით, 25 მაისის მდგომარეობით, ქვეყანაში კოვიდვაქცინით აცრილია 117 ათასი ადამიანი. მისი თქმით, მარტში დღეში იცრებოდა 462 ადამიანი, აპრილში 1 234, ხოლო მაისში ეს მაჩვენებელი 3 427-ზე ავიდა.
„მათ შორის 17 ათასი ადამიანი უკვე ორჯერ არის აცრილი. ხოლო ერთჯერადი აცრა გაკეთებული აქვს დაახლოებით 100 000 ადამიანს. ამის გარდა, ამის ზემოთ გვაქვს 200 000 ვაქცინის მარაგი, რომელიც გვინდა გამოვიყენოთ მაის-ივნისის პერიოდში. ამისთვის დღიური აცრის რაოდენობა უნდა ავიდეს 6 ათასამდე“, - განაცხადა გამყრელიძემ.
