"ნამახვანჰესის" მოწინააღმდეგეებმა მარჯვენა სანაპიროს პარალიზება მოახდინეს. აქციის მონაწილეებმა საავტმომობილო გზა უკვე გადაკეტეს. ისინი მსვლელობას აგრძელებენ.
ამ წუთებში იუსტიციის სახლის მიმდებარედ საავტომობილო მოძრაობა შეჩერებულია და აქციის მონაწილეები სიტყვით გამოდიან.
თბილისის საპატრულო პოლიციის უფროსმა, ლაშა ჯოხაძემ მსვლელობის მონაწილეები გააფრთხილა, რომ საავტომობილო გზის სავალი ნაწილი გაათავისუფლონ.
„მათ უფლება არ აქვთ, სპონტანურად, ხელოვნურად გადაკეტონ გზის სავალი ნაწილი, როდესაც ამის საჭიროება არ არსებობს. ამასთან დაკავშირებით, ჩვენ აქციის მონაწილეებს ვესაუბრეთ და გავაფრთხილეთ, ავუხსენით კანონი და განვუმარტეთ. ველოდებით მათგან პასუხს“, – განაცხადა შსს-ს წარმომადგენელმა.
