რეგისტრაციის დაწყებიდან ორი საათის განმავლობაში "სინოვაკის" ვაქცინაზე 5 370 ადამიანი დარეგისტრირდა. განაცხადა დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ ჟურნალისტებისთვის გამართულ ვებინარზე.
რეგისტრაცია ვაქცინაზე 21 მაისს, 12:00 საათიდან დაიწყო საიტზე booking.moh.gov.ge.
დარეგისტრირება შეუძლიათ 18 წელზე უფროსი ასაკის მოქალაქეებს. აცრის პროცესი 24 მაისიდან დაიწყება.
საქართველოს ჯანდაცვის სამინისტროს განმარტებით, "სინოვაკი" ტრადიციული მეთოდით, ინაქტივრებული ვირუსის გამოყენებით შექმნილი ვაქცინაა და მისი 2 დოზა 21 დღის ინტერვალით კეთდება.
"სინოვაკის" ვაქცინის 100 000 დოზა ჩინეთმა საქართველოს დონაციის სახით გადმოსცა.
"სინოვაკის" ვაქცინას ჯერჯერობის არ მიუღია ჯანმრთელობის მსოფლიო ორგანიზაციის ავტორიზაცია, თუმცა ჯანდაცვის სამინისტროს ინფორმაციით, იგი დადებითად შეფასდა იმუნიზაციის ექსპერტთა სტრატეგიულ მრჩეველთა ჯგუფის(The Strategic Advisory Group of Experts on Immunization) მიერ და ოფიციალური მონაცემებით, სხვადასხვა ქვეყნისთვის მიწოდებულია 260 მილიონი დოზა.
