გიორგი გახარიამ კრიტიკულ მომენტში გადადგა ნაბიჯი, როდესაც, რეალურად, დაანონსებული იყო სახელმწიფო ინსტიტუტების არარსებობა და ამ მიმართულებას ავითარებდა ნაცმოძრაობა, - ამის შესახებ ქართული ოცნების წევრმა, გიორგი ვოლსკიმ იმედის ეთერში ყოფილ პრემიერ მინისტრ გიორგი გახარიაზე საუბრისას განაცხადა.
"ვერანაირად ვერ ვიტყვი, რომ ეს, რაღაც ისეთი მოხდა, გაუგონარი. რამაც ძალიან დამაფიქრა, გაცილებით უფრო მეტად, ვიდრე მისმა გასვლამ, ის არის, რომ ამ კრიტიკულ მომენტში გადადგა ნაბიჯი, როდესაც, რეალურად, დაანონსებული იყო სახელმწიფო ინსტიტუტების არარსებობა და ამ მიმართულებას ავითარებდა ნაცმოძრაობა. ამ მომენტში, როდესაც პრემიერ-მინისტრი მოწოდების სიმაღლეზე უნდა იდგეს და დაანახოს ყველას, რომ ქვეყანა არსებობს, სტრუქტურები არსებობს, მაშინ გადადგა. მადლობა ღმერთს, რომ გადადგა... ცუდად მოიქცა, არ შეიძლება თქვა.. ოჯახები ინგრევა, მაგრამ არასწორად მოიქცა. კიდევ კარგი, რომ თვითონ გადაწყვიტა, რომ ჩამოშორებოდა ამ პოლიტიკურ ძალას", - თქვა ვოლსკიმ.