დიდი შვიდეულის ქვეყნების საგარეო საქმეთა მინისტრები ერთობლივ განცხადებას ავრცელებენ, სადაც შეშფოთებას გამოთქვამენ უკრაინის საზღვართან რუსეთის სამხედრო გააქტიურების გამო.
როგორც განცხადებაში ვკითხულობთ, სამხედრო შენაერთების წინასწარი შეტყობინების გარეშე, ამგვარი გაუთვალისწინებელი გადაადგილება საფრთხეს უქმნის სტაბილურობას რეგიონში.
საგარეო საქმეთა მინისტრები რუსეთს მოუწოდებენ, დაუყოვნებლივ შეწყვიტოს პროვოკაციული მოქმედებები და იზრუნოს დაძაბულობის შემცირებისთვის.
განცხადებას ასევე უერთდება ევროკავშირის უმაღლესი წარმომადგენელი საგარეო და უსაფრთხოების პოლიტიკის საკითხებში, ჟოზეპ ბორელი.
