მსოფლიოში COVID-19-ით ინფიცირების შემთხვევების რაოდენობა ზედიზედ შვიდი კვირაა იზრდება, ბოლო ერთი თვეა მატულობს გარდაცვლილთა რაოდენობაც. ამის შესახებ ბრიფინგზე ჯანმრთელობის მსოფლიო ორგანიზაციის გენერალურმა დირექტორმა ტედროს ადჰანომ ღებრეიესუსმა განაცხადა.
"იანვარსა და თებერვალში ზედიზედ ექვსი კვირა აღინიშნებოდა COVID-19-ის შემთხვევების კლება. დღეს კი ზედიზედ უკვე მეშვიდე კვირაა იზრდება ინფიცირების შემთხვევბი და ოთხი კვირაა იზრდება გარდაცვლილთა რაოდენობა", - განაცხადა მან.
ჯონს ჰოპკინსის უნივერსიტეტის მონაცემების მიხედვით, მსოფლიოში კორონავირუსი ინფიცირების 136 181 468 შემთხვევაა აღრიცხული. ვირუსულ ინფექციას 2 938 804 ადამიანი ემსხვერპლა. გამოჯანმრთელდა 77 525 042 პაციენტი.