უკრაინამ ხელი მოაწერა შეთანხმებას ამერიკულ ფარმაცევტულ კორპორაცია Pfizer-თან, COVID-19 ვაქცინის 10 მილიონი დოზის მოწოდების თაობაზე.
"დღეს ძალიან მნიშვნელოვანი დღეა უკრაინისა და უკრაინელი ხალხისთვის. დღეს ჩვენ საბოლოოდ გავაფორმეთ მნიშვნელოვანი ხელშეკრულება Pfizer–თან ვაქცინის 10 მილიონი დოზის შესყიდვაზე. ამის გაკეთება ნამდვილად რთული იყო, მაგრამ ჩვენ ეს შევძელით Pfizer-ის აღმასრულებელი დირექორის ალბერტ ბურლას დამსახურებით", - განაცხადა უკრაინის პრეზიდენტმა, ვოლოდიმირ ზელენსკიმ.
უკრაინის ჯანდაცვის სამინისტროს ინფორმაციით, ვაქცინის 10 მილიონი დოზის მოწოდება 2021 წლის განმავლობაშია დაგეგმილი. მათივე თქმით, პირველი დოზები უკრაინაში უახლოეს თვეებში ჩავა.
