ბრიტანეთის პრემიერ-მინისტრმა, ბორის ჯონსონმა განაცხადა, რომ იგი მომავალ ორშაბათს აპირებს პაბში (ლუდის ბარი) წავიდეს, რადგან სწორედ ამ დღიდან ბრიტანეთში პანდემიის გამო დაწესებული შეზღდვების შემსუბუქება იწყება.
"შემიძლია დავადასტურა, რომ 12 აპრილიდან ვიწყებთ შეზღუდვების შერბილებას, რაც გულისხმობს მაღაზიების, სპორტული დარბაზების, ზოოპარკების, ბანაკების, სილამაზის სალონების, ლუდის ბარების და სტუმარ-მასპინძლობის სექტორის გახსნას", - განაცხადა ჯონსონმა.
"ორშაბათს, 12 აპრილს ვაპირებ, რომ წავიდე პაბში და ლუდი მოვწრუპო", - დასძინა პრემიერ-მინისტრმა.
ბორის ჯონსონის განცხადებით, შეზღუდვების შერბილების გადაწყვეტილება ეფუძნება ვირუსით ინფიცირების რაოდენობის შემცირებასა და ვაქცინირებული ადამიანების რაოდენობას.
ამასთან, ბორის ჯონსონმა კვლავ მოუწოდა მოსახლეობას, რომ მიუხედავად შეზღუდვების შერბილებისა, სიფრთხილე და ყურადღება არ უნდა მოადუნონ.