დუბაიში შიშველი ფოტოსესიისთვის 40 ადამიანი დააკავეს, მათ შორის რუსეთის 8 მოქალაქე. იუწყება რუსული მედია დუბაიში რუსეთის გენერალურ საკონსულოზე დაყრდნობით.
მანამდე სოციალურ ქსელში გავრცელდა ვიდეორგოლი, სადაც ჩანს, რომ დუბაის ერთ-ერთი მაღალსართულიანი კორპუსის აივანზე შიშველი ქალები ფოტოგრაფის წინ პოზირებდნენ.
გავრცელებული ცნობით, ფოტოსესიის მონაწილეებს 6-თვიანი პატიმრობა და 5 ათასი დირჰამის ოდენობის (დაახ. 1400 აშშ დოლარს) ჯარიმა ემუქრებათ. ხოლო ფოტოსესიის ორგანიზატორს შესაძლოა თავისუფლება წელიწადნახევრის განმავლობაში აღეკვეთოს და 50 ათასი დირჰამით (14 ათასი აშშ დოლარი) დაჯარიმდეს.
რუსეთის გენერალური საკონსულო იმედოვნებს, რომ ფოტოსესიის მონაწილენი შესაძლოა რამადანის წმინდა თვის დაწყების გამო შეიწყალონ.