საერთაშორისო ენერგეტიკის სააგენტომ (IAE) - 29 წევრი ქვეყნისა და ევროკომისიის ენერგეტიკის პოლიტიკის მრჩეველმა - ბოლო განახლებაში განაცხადა, რომ ნავთობზე მოთხოვნა 2019 წელს არსებულ მაჩვენებელზე დაბრუნებას 2023 წლამდე ვერ შეძლებს.
როგორც Galt & Taggart-ში განმარტავენ, ნავთობის გრძელვადიან მოთხოვნაზე რამდენიმე ფაქტორი ახდენს გავლენას, ერთი მხრივ განვითარებად ქვეყნებში მოსახლეობისა და შემოსავლების ზრდა დადებით გავლენას ახდენს საერთო მოთხოვნაზე, მეორე მხრივ განვითარებულ ქვეყნებში გაზრდილი ინტერესი ეფექტურობაზე და ეტაპობრივად ელექტრომობილებზე გადასვლა ამცირებს მოთხოვნას.
მარტის პირველ ნახევარში ნავთობის ფასების მნიშვნელოვანი ზრდის შემდეგ, ნავთობის ფასები მარტის მეორე ნახევარში შემცირდა და 18 მარტს დაახლოებით 7%ით შემცირდა, რაც 2020 წლის ოქტომბრის შემდეგ ყველაზე დიდი ყოველკვირეული შემცირება იყო. თვის ბოლოსთვის Brent-ის ტიპის ნავთობზე ფასმა ბარელზე $63.6 შეადგინა, ხოლო WTI ტიპის ნავთობის ფასი კი ბარელზე $60.6 იყო. ნავთობის ფასების ზრდა ნაწილობრივ სუეცის არხში არსებულ შეფერხებას უკავშირდება, რომელზეც გლობალური ნავთობის გადაზიდვების დაახლოებით 10% მოდის.
