ვაქცინაცია, ვაქცინაცია, ვაქცინაცია - ეს არის ჩვენი დევიზი პანდემიის წინააღმდეგ ბრძოლაში - განაცხადა გერმანიის კანცლერმა ანგელა მერკელმა ბერლინში, ვაქცინაციის სამიტის შემდეგ გამართულ პრესკონფერენციაზე.
ანგელა მერკელმა ასევე ისაუბრა გერმანიაში ასტრაზენეკას პრეპარატით ვაქცინიციის პროცესის დროებით შეჩერებაზე და განაცხადა, რომ ეს მხოლოდ უსაფრთხოების მიზნით გაკეთდა.
კანცლერის განცხადებით, ის თავადაც ასტრაზენეკას პრეპარატით გეგმავს ვაქცინაციას.
შეგახსენებთ, გერმანიამ ასტრაზენეკას პრეპარატით კორონავირუსის საწინააღმდეგო ვაქცინაცია განაახლა. შესაბამისი გადაწყვეტილება ხელისუფლებამ ევროპის მედიკამენტების სააგენტოს დასკვნის გამოქვეყნების შემდეგ მიიღო.
ევროპის მედიკამენტების სააგენტომ გუშინ განაცხადა, რომ ასტრაზენეკას ვაქცინა უსაფრთხო და ეფექტურია და ის არ არის დაკავშირებული თრომბის და სისხლის შედედების პრობლემებთან.
ევროპის მედიკამენტების სააგენტოს გადაწყვეტილების შემდეგ ასტრაზენეკას ვაქცინის გამოყენების განახლების შესახებ ასევე განაცხადეს იტალიამ, კვიპროსმა, საფრანგეთმა, ლატვიამ და ლიეტუვამ.