სასამართლომ განზრახ მკვლელობის მცდელობის ბრალდებით დააკავებულ ბუსა ჟვანიას 3-წლიანი პატიმრობა მიუსაჯა. სასამართლოს მიერ მისჯილი 3 წლიდან ჟვანია პენიტენციურ დაწესებულებაში 1,5 წელს გაატარებს, დარჩენი 1,5 წელი პირობითად ჩაეთვლება.
2020 წლის 2 აგვისტოს, გამთენიისას, თბილისში, ილია ჭავჭავაძის გამზირზე მდებარე ლევან თოფაძის საცხოვრებელი სახლის აივანზე, ბუსა ჟვანიამ ლევან თოფაძეს განზრახ მოკვლის მიზნით დანის რამდენჯერმე დარტყმით, სიცოცხლისათვის საშიში დაზიანებები მიაყენა, მათ შორის შემავალი ჭრილობები სახით გულ-მკერდის წინა და უკანა ზედაპირზე. ასევე ნაკვეთი ჭრილობა კისრის გვერდითა ზედაპირზე და ყურის ნიჟარაზე.
ბუსა ჟვანია საქართველოს ყოფილი პრემიერ-მინისტრის ზურაბ ჟვანიას შვილია. ლევან თოფაძი კი ბიზნესმენ გოგი თოფაძის შვილიშვილი.
2020 წლის 4 აგვისტოს თბილისის საქალაქო სასამართლოში გამართულ სხდომაზე, ბრალდება ბუსა ჟვანიასთვის აღკვეთის ღონისძიებად პატიმრობას მოითხოვდა, ხოლო დაცვის მხარე მისი 50 000-ლარიანი გირაოს სანაცვლოდ გათავისუფლების პირობას აყენებდა. მოსამართლე ეკატერინე კუკულაშვილმა სრულად დააკმაყოფილა ბრალდების მხარის მოთხოვნა და ბუსა ჟვანიას აღკვეთის ღონისძიებად პატიმრობა შუფარდა.
