გერმანიის კანცლერ ანგელა მერკელისა და ფედერალური მიწების მეთაურების ერთობლივი გადაწყვეტილებით, გერმანიაში ლოკდაუნი 28 მარტამდე გახანგრძლივდა.
ამასთან, ფედერალური და მიწების ხელმძღვანელები შეთანხმდნენ, რომ 8 მარტიდან გარკვეულ შეზღუდვებს შეამსუბუქებენ. კერძოდ, 8 მარტიდან გაიხსნება წიგნის მაღაზიები, ყვავილების მაღაზიები, სილამაზის სალონები და ავტოსკოლები.
შერბილდა პირადი კონტაქტების შეზღუდვები, დასაშვები გახდა ორი ოჯახის ხუთამდე ადამიანის შეკრება, 14 წლამდე ასაკის ბავშვების გარეშე.
გარდა ამისა, მომავალი კვირიდან თითოეულ მოქალაქეს შესაძლებლობა ექნება კვირაში ერთხელ უფასოდ გაიაროს კორონავირუსის ტესტი, ყველა ხარჯს ფედერალური ხელისუფლება დაფარავს.
სასტუმროები, რესტორნები და სხვა დაწესებულებები კვლავ დახურული იქნება.
ეპიდემიოლოგიური ვითარების დასტაბილურების შემდეგ, შესაძლოა გაიხსნას მუზეუმები, ზოოპარკები, ბოტანიკური ბაღები და მემორიალური კომპლექსები.
ფედერალური მიწების მთავრობებს კვლავ ექნებათა შესაძლებლობა, ინდივიდუალურად გადაწყვიტონ შეზღუდვების შემსუბუქებისა და გამკაცრების საკითხი, მათ რეგიონში არსებული ეპიდემიოლოგიური ვითარების გათვალისწინებით.