უკრაინის პრეზიდენტმა ვოლოდიმირ ზელენსკიმ კორონავირუსის საწინააღმდეგო ვაქცინა გაიკეთა. ვაქცინაციის ამსახველი ფოტო სოციალურ ქსელში გაავრცელა.
როგორც ვოლოდიმირ ზელენსკი წერს, ის ინდოეთიდან შემოტანილი ოქსფორდ/ასტრაზენეკას ვაქცინით აიცრა.
"ვაქცინა გავიკეთე ჩვენს ჯარისკაცებთან ერთად, როგორც მთავარსარდალმა. ოქსფორდ/ასტრაზენეკას ვაქცინით, რომელიც ინდოეთიდან არის შემოტანილი და მისით მსოფლიოში ათეულობით მილიონი ადამიანი აიცრა. ვაქცინა შესაძლებლობას მოგვცემს, რომ კვლავ ვიცხოვროთ შეზღუდვების გარეშე", - დაწერა ვოლოდიმირ ზელენსკიმ.