დამოუკიდებელი კვლევითი ორგანიზაცია "ლევადას" მიერ ჩატარებული გამოკითხვების შედეგების თანახმად, რუსეთის 3 მოქალაქიდან 2-ს სჯერა შეთქმულების თეორიისა, რომ კორონავირუსი ადამიანის შექმნილია.
გამოკითხულ რუსეთის მოქალაქეთა 64% -მა თქვა, რომ კოვიდ -19 ხელოვნურად შეიქმნა, როგორც ბიოლოგიური იარაღის ახალი ფორმა. 23%-ს კი სჯერა, რომ ვირუსი ბუნებრივად გაჩნდა.
"ლევადა ცენტრის" კვლევის მიხედვით, გამოკითხულ ადამიანთა 62%-ს რუსული წარმოების ვაქცინის გაკეთება არ სურს. ადგილობრივი წარმოების ვაქცინას განსაკუთრებულად სკეპტიკურად 18-დან 24 წლამდე ასაკის მოსახლეობა უყურებს.
ამასთან, გამოკითხულთა უმრავლესობა ვაქცინისადმი უნდობლობას გვერდითი მოვლენების შიშით ხსნის, ზოგიერთი კი თვლის, რომ "აზრი არ აქვს".
ლევადამ კვლევა ჩაატარა 50 რეგიონში და გამოკითხა 1 601 რესპონდენტი.
