1-ლი მარტიდან უწყებათაშორისი საბჭოს გადაწყვეტილებით, კორონავირუსის გავრცელების აღსაკვეთად დაწესებული რამდენიმე შეზღუდვა მოიხსნება. კერძოდ:
• განახლდება კონფერენციები და ტრენინგები შესაბამისი პროტოკოლის დაცვით;
• ბათუმში რესტორნები შიდა სივრცეებში ფუნქციონირებას განაახლებენ შაბათ-კვირის გარდა;
რესტორნებს შიდა სივრცეებში მოუწევთ დადგენილი რეკომენდაციებისა და სტანდარტების ზედმიწევნით დაცვა, რაც შესაბამისი უწყებების მხრიდან მკაცრად გაკონტროლდება;
• სკოლამდელი აღზრდის დაწესებულებები, როგორც საჯარო, ისე კერძო, აღადგენენ ფუნქციონირებას, 2 კვირაში ერთხელ თანამშრომლების 20 %-ის სავალდებულო ტესტირების პირობით;
საქმიანობას განაახლებენ მუზეუმები და ბიბლიოთეკები;
უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ.
ამასთან, ძალაში რჩება 21 საათიდან დილის 5 საათამდე გადაადგილებაზე დაწესებული შეზღუდვა.