თბილისის საქალაქო სასამართლომ პროკურატურის შუამდგომლობა სრულად დააკმაყოფილა და ჟურნალისტ ვახო სანაიასა და მის ოჯახზე თავდასხმაში ბრალდებულებს პატიმრობა შეეფარდა.
თავდასხმაში მონაწილე ვაჟა გიგაური, სულიკო საყევარაშვილი და გიორგი სახელაშვილი ბრალს არ აღიარებენ.
შემთხვევა წყნეთის ქუჩაზე, მაშინ მოხდა, როდესაც ჟურნალისტი ოჯახთან ერთად მანქანით გადაადგილდებოდა. სანაია მომხდარს მის პროფესიულ საქმიანობას უკავშირებს. სამივე მოძალადე პოლიციამ ადგილზევე დააკავა.