"სომხეთის არმია მოითხოვს მთავრობისა და პრემიერ მინისტრის ნიკოლ ფაშინიანის გადადგომას", - განაცხადა ქვეყნის შეიარაღებული ძალების გენერალურმა შტაბმა.
სამხედროების პროტესტის მიზეზი გახდა ფაშინიანის მიერ გენერალური შტაბის უფროსის პირველი მოადგილის ტიგრან ხაჩატრიანის გადაყენების გადაწყვეტილება.
"სომხეთის შეიარაღებულმა ძალებმა ხელისუფლების არაერთი თავდასხმა გადაიტანეს, რომელიც "შეიარაღებული ძალების დისკრედიტაციას ემსახურებოდა, მაგრამ ყველაფერს აქვს თავისი საზღვარი. დღევანდელ პირობებში, სომხეთის შეიარაღებული ძალები ითხოვენ პრემიერ-მინისტრისა და მთავრობის გადაყენებას", - ნათქვამია გენშტაბის განცხადებაში.
პაშინიანმა უკვე განიხილა სამხედროების ეს განცხადება გადატრიალების მცდელობად.
გენერალური შტაბის განცხადებას ხელი მოაწერეს სომხეთის შეიარაღებული ძალების გენერალური შტაბის უფროსმა, გენერალ-პოლკოვნიკმა ონიკ გასპარიანმა, მისმა მოადგილეებმა, არმიის კორპუსის მეთაურებმა, მაღალი რანგის სამხედრო მოსამსახურეებმა.
24 თებერვალს, საღამოს, პრეზიდენტმა არმენ სარქისიანმა, ფაშინიანის წინადადებით, ხელი მოაწერა განკარგულებას, რომლითაც ხაჩატრიანი გაათავისუფლეს ქვეყნის შეიარაღებული ძალების გენერალური შტაბის უფროსის პირველი მოადგილის თანამდებობიდან.