ყოფილი გენერალური პროკურორი, ოთარ ფარცხალაძე თბილისის საქალაქო სასამართლომ ყოფილი მთავარი აუდიტორის, ლაშა თორდიას ცემის საქმეზე გაამართლა.
სასამართლოს გადაწყვეტილებით, ამ საქმეზე დამნაშავედ იქნა ცნობილი ფინანსთა სამინისტროს საგამოძიებო სამსახურის ყოფილი თანამშრომელი, მიხეილ ჩოხელი და მას 5000-ლარიანი ჯარიმა დაეკისრა.
ყოფილ მთავარ აუდიტორს, ლაშა თორდიას თავს 2017 წლის 12 მაისს დაესხნენ. თორდიამ თავდასხმაში ოთარ ფარცხალაძე დაადანაშაულა. აუდიტორმა თავდასხმა ყოფილი გენერალური პროკურორის შესახებ მასალების მოგროვებას დაუკავშირა.
ფარცხალაძეს ბრალი 2018 წლის 5 ნოემბერს წარედგინა. ის არ დაუკავებიათ. ფარცხალაძესან ერთად წარუდგინეს ბრალი მიხეილ ჩოხელსაც.
