ადრეული მტკიცებულებების თანახმად, დიდ ბრიტანეთში აღმოჩენილი კორონავირუსის ახალი შტამი, შესაძლოა, უფრო მეტად მომაკვდინებელი იყოს ვიდრე სხვა შტამები. განაცხადა დიდი ბრიტანეთის პრემიერ-მინისტრმა ბორის ჯონსონმა ბრიფინგზე. ინფორმაცია BBC ავრცელებს.
მისივე თქმით, ამ განცხადებას ის მეცნიერთა ჯგუფის დასკვნაზე დაყრდნობით აკეთებს, რომელიც მათ მთავრობას მიაწოდეს.
"ეს მტკიცებულებები წინასწარია. საბოლოო დასკვნა ჯერ არ მომზადებულა. გამოკვლევებმა უკვე აჩვენა, რომ ახალი შტამი გაცილებით უფრო სწრაფად ვრცელდება, ვიდრე აქამდე აღმოჩენილი სხვა შტამები", - თქვა ჯონსონმა და აღნიშნა, რომ არსებობს რამდენიმე მტკიცებულება, რომ ახალი შტამი, შესაძლოა, უფრო მომაკვდინებელი იყოს.
ბრიფინგზე წარმოდგენილი მონაცემების მიხედვით, სტანდარტული ვარიანტით ინფიცირებული 1000 პაციენტიდან დაახლოებით 10 ადამიანი იღუპება, ახალი მუტაციის შემთხვევაში კი - 13-14. დიდი ბრიტანეთი დღეისათვის COVID-19.-ით გარდაცვლილთა დღე-ღამური მაჩვენებლით მსოფლიოში პირველ ადგილზეა.
პრემიერ-მინისტრმა ასევე აღნიშნა, რომ კორონავირუსის საწინააღმდეგო ვაქცინები ახალი შტამების მიმართაც ეფექტურია.
კორონავირუსის ახალი შტამი დიდ ბრიტანეთში გასული წლის დეკემბერში აღმოაჩინეს. ამ დროის მონაცემებით, ახალი შტამი მსოფლიოს 50 სხვადასხვა ქვეყანაში გამოვლიდა.
საქართველოში ვირუსის ახალი შტამი 4 იანვარს გამოვლინდა.
