აშშ-ის პრეზიდენტი ჯო ბაიდენი ნატოს "მტკიცე მხარდამჭერია" და მისი ხელისუფლებაში მოსვლით, ალიანსი კიდევ უფრო გაძლიერდება, თქვა ნატოს გენერალურმა მდივანმა იენს სტოლტენბერგმა.
"პრეზიდენტი ბაიდენი და მისი საპრეზიდენტო ინაუგურაცია ახალ თავს ხსნის ჩვენს ურთიერთობებში, ვინაიდან ჯო ბაიდენი ნატო-ს მტკიცე მხარდამჭერია. ის ძალიან კარგად იცნობს ნატო-ს", - განაცხადა ალიანსის გენერალურმა მდივანმა.
სტოლტენბერგის თქმით, ის მოუთმენლად ელის ამერიკის ახალ ადმინისტრაციასთან თანამშრომლობას, რათა ერთად იზრუნონ მთელ მსოფლიოში არსებული პრობლემების გასამკლავებლად.
”ჩვენ ერთდროულად დიდი გამოწვევების წინაშე ვდგავართ: ჩინეთის აღზევება... ძალთა გლობალური ბალანსის შეცვლა, უფრო მკაცრი რუსეთი, რომელიც იყენებს ძალას მეზობლების წინააღმდეგ უკრაინასა და სხვაგან და, რა თქმა უნდა, ტერორისტული თავდასხმების მუდმივი საფრთხე", - თქვა მან.
"ჩვენთაგან არცერთს არ ძალუძს ამ პრობლემებთან მარტო გამკლავება, არ მჯერა, რომ ამერიკა ამას მარტო შეძლებს, არც იმის მჯერა, რომ ევროპა შეძლებს დამოუკიდებლად, ამიტომ მე მჯერა ჩვენი ერთიანობის, ევროპისა და ჩრდილოეთ ამერიკის ძლიერი კავშირის ნატო-ში", - დასძინა იენს სტოლტენგერგმა.