დონალდ ტრაპმა, რომლის უფლებამოსილების ვადა რამდენიმე საათში იწურება, მელანია ტრამპის თანხლებით თეთრი სახლი დატოვა.
ტრამპი გეგმავს გამართოს გამოსამშვიდობებელი ღონისძიება მერილენდის შტატში, ენდრიუსის ავიაბაზაზე, სადაც ბაზირებულია აშშ-ის პრეზიდენტის თვითმფრინავები. შემდეგ კი გაემგზავრება ფლორიდაში მარ-ა-ლაგოს რეზიდენციაში.
ტრამპმა განაცხადა, რომ ჯო ბაიდენის ინაუგურაციას არ დაესწრებოდა.
ჯოზეფ ბაიდენის ინაუგურაცია 20 იანვარს, თბილისის დროით 20:00 საათზე გაიმართება.
ტრამპი მეოთხე პრეზიდენტი იქნება აშშ-ის ისტორიაში, რომელიც თავისი შემცვლელის ინაუგურაციას არ დაესწრება.
პირველად ეს მოხდა 1801 წელს, როდესაც პრეზიდენტი ჯონ ადამსი არ დაესწრო მისი მემკვიდრის, თომას ჯეფერსონის ინაუგურაციას. 1829 წელს პრეზიდენტი ჯონ კუინსი ადამსი (ჯონ ადამსის შვილი) არ დაესწრო ენდიურ ჯექსონის ინაუგურაციას. ხოლო ბოლოს ეს მოხდა 1869 წელს, როდესაც თანამდებობიდან წასულმა პრეზიდენტმა ენდრიუ ჯონსონმა უარი თქვა დასწრებოდა ულის გრანტის ინაუგურაციას.
