გერმანიის კანცლერი ანგელა მერკელი ფედერაციული რესპუბლიკის მიწების პრემიერ-მინისტრებს ხვდება, რათა განიხილონ კორონავირუსის მზარდი გავრცელების აღსაკვეთად დაწესებული შეზღუდვების გამკაცრების საკითხი.
ვარაუდობენ, რომ იგეგმება დაწესებული შეზღუდვების კიდევ უფრო გახანგრძლივება და მეტად გამკაცრება.
მედიაში გავრცელებული ინფორმაციით, შესაძლოა საზოგადოებრივ ტრანპორტსა და მაღაზიებში სავალდებულო გახდეს FFP2 და N95 ნიღბების ტარება, ასევე ნავარაუდევია კომენდანტის საათის დაწესება და საზოგადოებრივი ტრანსპორტის შეზღუდვა.
გუშინ, გერმანიის ფედერალურმა ჯანდაცვის მინისტრმა, იენს შპენმა განაცხადა, რომ იზრდება შეშფოთება კორონავირუსის ახალი ვარიანტების აღმოჩენის გამო, რომელიც კიდევ უფრო მეტად ვრცელდება, ვიდრე აქამდე არსებული ვარიანტი.
კორონავირუსის ახალი, აქამდე უცნობი ვარიანტი გერმანიაში, ბავარიის ქალაქ გარმიშ-პარტენკირხენში აღმოაჩინეს. ვირუსის თვისებების შესახებ დაზუსტებული ინფორმაცია ჯერ არ ვრცელდება, ელოდებიან გამოკვლევის შედეგებს.
კობერტ კოხის ინსტიტუტის მონაცემებით, გერმანიაში პანდემიის დაწყების დღიდან, ვირუსის 2 052 028 შემთხვევა აღირიცხა.
ამ დროისთვის, ქვეყანაში ვაქცინა მიიღო 1 139 297-მა მოქალაქემ.
