ჯანმრთელობის მსოფლიო ორგანიზაციის გენერალური დირექტორის, ტედროს ადჰანომ ღებრეიესუსის განცხადებით, კორონავირუსის საწინააღმდეგო ვაქცინის განაწილების არათანაბარი პოლიტიკის გამო, მსოფლიო კატასტროფული მორალური მარცხის წინაშე დგას
ღებრეიესუსის განცხადებით, ვაქცინის 39 მილიონ დოზაზე მეტი უკვე მიიღო 49 მდიდარმა სახელმწიფომ, მაშინ როდესაც ერთ-ერთ ღარიბ სახელმწიფოს მხოლოდ 25 დოზა ერგო.
აღნიშნულთან დაკავშირების ღებრეიესუსმა ჯანმრთელობის მსოფლიო ორგანიზაციის აღმასრულებელი საბჭოს სხდომაზე ისაუბრა.
"სამყარო კატასტროფული მორალური მარცხის წინაშეა და ამ წარუმატებლობას მსოფლიოს უღარიბესი ქვყენების მოსახლეობა და მათი საარსებო წყაროები შეეწირება", - თქვა ღებრეიესუსმა.
მისივე თქმით, მიდგომა "პირველი მე", გაზრდის ვაქცინის ფასს და შეამცირებს ღარიბი ქვეყნების ვაქცინაზე ხელმისაწვდომობას.
"საბოლოო ჯამში, ეს ქმედებები მხოლოდ გახანგრძლივებს პანდემიას, მის გამო დაწესებულ შეზღუდვებს და ადამიანურ და ეკონომიკურ ტანჯვას", - დასძინა ღებრეიესუსმა.
ჯანმრთელობის მსოფლიო ორგანიზაციის გენერალური დირექტორის თქმით, გამოიკვეთა შემთხვევები, როდესაც სახელმწიფოები და კომპანიები ცდილობენ ვაქცინების მიწოდების შეთანხმებები, "კოვაქს პლატფორმის" გვერდის ავლით გააფორმონ, რაც საფრთხეს უქმნის ვაქცინის თაბანარი განაწილების პერსპექტივას.
ღებრეიესუსმა კიდევ ერთხელ მოუწოდა სახელმწიფოებს, ვაქცინებთან დაკავშირებით "კოვაქს პლატფორმის" მეშვეობით იმოქმედონ.
"კოვაქსი" ჯანმრთელობის მსოფლიო ორგანიზაციის ხელშეწყობით შექმნილი პლატფორმაა, რომელმაც უნდა უზრუნველყოს ვაქცინის თანაბარი ხელმისაწვდომობა მსოფლიოს ყველა ქვეყნისთვის.