ბრაზილიის ჯანმრთელობის მარეგულირებელმა უარყო მოთხოვნა, რუსული ვაქცინა Sputnik V-ის გადაუდებელი გამოყენებისთვის ნებართვის გაცემის თაობაზე.
განცხადებაში, რომელიც 16 იანვარს ბრაზილიის ჯანმრთელობის დაცვის ეროვნულმა სააგენტომ (Anvisa) გაავრცელა, აღნიშნულია, რომ ადგილობრივი ფარმაცევტული კომპანია Uniao Química-ს მიერ წარმოდგენილი წინადადება ვაქცინისთვის ნებართვის მინიჭებაზე უარყოფილია, რადგან წინადადება არ მოიცავდა ინფორმაციას ვაქცინის გამოცდის მესამე ფაზის შედეგების შესახებ.
ფარმაცევტულმა კომპანია Uniao Química-მ, რომელიც რუსეთის პირდაპირი ინვესტიციების ფონდთან თანამშრომლობს, რუსული ვაქცინის 10 მილიონი დოზის გამოყენებაზე ნებართვის მისაღებად მარეგულირებელ ორგანოს 15 იანვარს მიმართა.
Uniao Química-სა და რუსეთის პირდაპირი ინვესტიციების ფონდს შორის თანამშრომლობა ასევე მოიცავს რუსული ვაქცინის წარმოებისთვის ბრაზილიური მხარისთვის შესაბამისი ბიო მასალის მიწოდებას, რათა ვაქცინის წარმოება ბრაზილიაშიც იყოს შესაძლებელი.
მოგვიანებით, რუსულმა მხარენ გაავრცელა განცხადება, სადაც აღნიშნა, რომ ბრაზილიის ჯანდაცვის სააგენტო რუსული ვაქცინის დამტკიცება არ უარუყვია, არამედ შუალედური გადაწყვეტილება გამოიტანა დამატებითი ინფორმაციის მოთხოვნის მიზნით.
რუსული ვაქცინა Sputnik V ლათინური ამერიკის რამდენიმე ქვეყანამ უკვე დაამტკიცა, მათ შორის არის არგენტინა, ბოლივია და პარაგვაი.