ამერიკის შეერთებული შტატების პრეზიდენტად არჩეულ ჯო ბაიდენს სოციალურ ქსელ Twitter-ის ადმინისტრაციამ გადასცა ოფიციალური ანგარიში, მხოლოდ მისი წინამორბედი პრეზიდენტის, ტრამპის გამომწერების გარეშე.
სოციალური ქსელის ადმინისტრაციას არ განუმარტავს, თუ რატომ არ გადაეცა ტრამპის მიმდევრები ბაიდენს.
ჯო ბაიდენის გუნდი უკმაყოფილო დარჩა სოციალური ქსელის ამ გადაწყვეტილებით, ვინაიდან 2016 წელს, საპრეზიდენტო არჩევნებში დონალდ ტრამპის გამარჯვების შემდეგ, მას გადეცა წინამორბედი პრეზიდენტის, ბარაკ ობამას ანგარიში გამომწერებთან ერთად. იმ დროისთვის ბარა ომაბას ანგარიშს 13 მილიონი მიმდევარი ჰყავდა. ობამა იყო პირველი პრეზიდენტი, რომელსაც Twitter-ზე ჰქონდა ანგარიში.
ტრამპი ასევე გამოიყენებდა Twitter-ის პირად ანგარიშს @RealDonaldTrump, რომელიც კაპიტოლიუმზე იერიშის შემდეგ, სოციალური ქსელის ადმინისტრაციამ სამუდამოდ დაბლოკა.
ჯო ბაიდენის ახალი ოფიციალური ანგარიში @PresElectBiden (არჩეული პრეზიდენტი ბაიდენი) 20 იანვრის ინაუგურაციის შემდეგ ტრანსფორმირდება ანგარიშად @POTUS (President of the United States - შეერთებული შტატების პრეზიდენტი).
პირველი 6 საათის განმავლობაში ბაიდენის ახალმა ანგარიშმა 400 000-მდე მიმდევარი მოიპოვა. ამ დროისთვის ანგარიშს 660 000-ზე მეტი მიმდევარი ჰყავს. თავის პირად ანგარიშზე ჯო ბაიდენს @JoeBiden 24 მილიონი გამომწერი ჰყავს.
ბაიდენის გუნდმა ასევე დაარეგისტრირა ახალი ანგარიშები - @FLOTUSBiden მომავალი პირველი ლედისთვის და @SecondGentleman ვიცე-პრეზიდენტ კამალა ჰარისის მეუღლისთვის.
ყოფილი პრეზიდენტის ანგარიშები დაარქივდება და ყველა ჩანაწერი, მათ შორის წაშლილი, ამერიკის ეროვნულ არქივს გადაეცემა.