ნაკლებად სავარაუდოა, რომ 2021 წელს COVID-19 სრულად დამარცხდეს, მაგრამ სიტუაცია მართვადი გახდება, - განაცხადა ჯანმრთელობის მსოფლიო ორგანიზაციის (WHO) ევროპული ბიუროს ხელმძღვანელმა, ჰანს კლუგემ.
"2021 წელი მაინც პანდემიის წელი იქნება... თუმცა, პანდემია იქნება უფრო მართვადი, სიტუაცია იქნება უფრო პროგნოზირებადი, ვიდრე გასულ წელს" - თქვა მან ბრიფინგზე.
კლუგეს შეფასება განსხვავდება ჯანმო-ს საგანგებო სიტუაციების პროგრამის ხელმძღვანელის, მაიკ რაიანის შეფასებისგან, რომელმაც მანამდე განაცხადა, რომ 2021 წელი შეიძლება 2020 წელზე უარესიც იყოს.
"მეორე წელი შეიძლება კიდევ უფრო რთული იყოს გადაცემის დინამიკისა და გამოწვევების დიაპაზონის გათვალისწინებით", - თქვა რაიანმა.