შეერთებული შტატების კონგრესის წარმომადგენელთა პალატამ მოქმედ პრეზიდენტ დონალდ ტრამპს იმპიჩმენტი გამოუცხადა.
დონალდ ტრამპი პირველი პრეზიდენტი გახდა ამერიკის ისტორიაში, რომელსაც იმპიჩმენტი ორჯერ გამოუცხადეს.
წარმომადგენელთა პალატამ დონალდ ტრამპს "ამბოხების წაქეზებაში" დასდო ბრალი.
პრეზიდენტის იმპიჩმენტს 232-მა კანონმდებელმა დაუჭირა მხარი, მათ შორის 10 რესპუბლიკელია.
იმისათვის, რომ დონალდ ტრამპი თანამდებობას ჩამოშორდეს, იმპიჩმენტს მხარი სენატმაც უნდა დაუჭიროს. სენატი განრიგის მიხედვით 19 იანვარს უნდა შეიკრიბოს, რაც იმას ნიშნავს, რომ იმპიჩმენტის საკითხის საბოლოოდ გადაწყვეტა პრეზიდენტის უფლებამოსილების ამოწურვამდე ვერ მოესწრება.
ვაშინგტონში მოელიან, რომ დონალდ ტრამპი იმპიჩმენტთან დაკავშირებით განცხადებას გააკეთებს.
