შეერთებული შტატების ყოფილი სახელმწიფო მდივანი კოლინ პაუელი აცხადებს, რომ კაპიტოლიუმის შენობაზე შემაშფოთებელი შტურმის შემდეგ, თავს რესპუბლიკელად აღარ მიიჩნევს.
კოლინ პაუელმა ასევე გააკრიტიკა რესპუბლიკული პარტია დონალდ ტრამპის მოქმედებების მხარდაჭერის გამო, რომელმაც საკანონმდებლო ორგანოზე იერიშის მიტანა განაპირობა.
"მათ ეს გააკეთეს და ამიტომაც აღარ შემიძლია ჩემს თავს რესპუბლიკელი ვუწოდო. მე ვარ უბრალოდ მოქალაქე, რომელმც ხმას მთელი ცხოვრება რესპუბლიკელებს ვაძლევდი და არჩევნებში დემოკრატ კანდიდატს დავუჭირე მხარი", - თქვა კოლინ პაუელმა.
კოლინ პაუელი დიდი ხანია დონალდ ტრამპის პოლიტიკას აკრიტიკებს. 2020 წლის საპრეზიდენტო არჩევნებში მან მხარი ჯო ბაიდენს დაუჭირა, ხოლო 2016 წლის არჩევნებში ტრამპის წინააღმდეგ მისცა ხმა.
პაუელმა გააკრიტიკა რესპუბლიკური პარტია, რადგან მათ წარსულში არ დაგმეს ტრამპი იმის გამო, რომ საკუთარ პოლიტიკურ ინტერესებს ამერიკის ინტერესებზე მაღლა აყენებდა.
კოლინ პაუელს რესპუბლიკელი პრეზიდენტების ადმინისტრაციაში მუშაობის ხანგრძლივი გამოცდილება აქვს. 1987-89 წლებში ის იყო რონალდ რეიგანის მრჩეველი უსაფრთხოების საკითხებში. ამის შემდგომ ის დემოკრატ ჯიმი კარტერის პრეზიდენტობისას შეიარაღებული ძალების გენერალური შტაბის უფროსი იყო, ხოლო 2001-2005 წლებში, პრეზიდენტ ჯორჯ ბუშის ადმინისტრაციაში სახელმწიფო მდივნის თანამდებობას იკავებდა.
