შეერთებული შტატების მოქმედი პრეზიდენტი დონალდ ტრამპი აცხადებს, რომ იგი არ დაესწრება ჯო ბაიდენის ინაუგურაციას, რომელიც 20 იანვარს, კაპიტოლიუმის შენობასთან გაიმართება. ამის შესახებ ტრამპმა მიკრობლოგ "ტვიტერზე" დაწერა.
"ყველას გასაგონად ვინც მეკითხება, მე არ ვაპირებ ინაუგურაციაზე დასწრებას", - დაწერა ტრამპმა.
ტრამპი მე-4 პრეზიდენტი იქნება ამერიკის ისტორიაში, რომელიც მომავალი პრეზიდენტის ინაუგურაციას არ დაესწრება.
პირველად ეს მოხდა 1801 წელს, როდესაც პრეზიდენტი ჯონ ადამსი არ დაესწრო მისი მემკვიდრის, თომას ჯეფერსონის ინაუგურაციას. 1829 წელს პრეზიდენტი ჯონ კუინსი ადამსი (ჯონ ადამსის შვილი) არ დაესწრო ენდიურ ჯექსონის ინაუგურაციას. ხოლო ბოლოს ეს მოხდა 1869 წელს, როდესაც თანამდებობიდან წასულმა პრეზიდენტმა ენდრიუ ჯონსონმა უარი თქვა დასწრებოდა ულის გრანტის ინაუგურაციას.
ჯო ბაიდენის ინაგურაციას დაესწრებიან ამერიკის ყოფილი პრეზიდენტები ჯორჯ ბუში, ბილ კლინტონი და ბარაკ ობამა. ღონისძიებაზე დასწრებას გეგმავს ასევე აშშ-ის მოქმედი ვიცე-პრეზიდენტი მაიკ პენსი.