ჯორჯიის შტატში სენატის არჩევნების მეორე ტურში დემოკრატმა კანდიდატებმა გაიმარჯვეს.
შტატის ერთ-ერთ ოლქში დემოკრატმა კანდიდატმა რაფაელ უორნოკმა რესპუბლიკელი სენატორი, კელი ლეფლერი დაამარცხა, რითაც ის ჯორჯიის შტატის ისტორიაში პირველი შავკანიანი სენატორი გახდა.
მეორე საარჩევნო ოლქში დემოკრატმა კანდიდატმა ჯონ ოსოფმა, რომელიც მოქმედი რესპუბლიკელი სენატორი დევიდ პერდიუ დაამარცხა.
დემოკრატების ორივე კანდიდატის გამარჯვების შემდეგ, სენატში 100 მანდატი დემოკრატებსა და რესპუბლიკელებს შორის თანაბრად გადანაწილდა, 50-50 მანდატი. ასეთ დროს კი გადამწყვეტი ხმა აქვს ქვეყნის ვიცე-პრეზიდენტს, რომელიც 20 იანვრის შემდეგ დემოკრატი კამალა ჰარისი იქნება, რაც შესაძლებლობას მისცემს არჩეულ პრეზიდენტ ჯო ბაიდენს თავისი პოლიტიკური დღის წესრიგი შეუფერხებლად განახორციელოს.
სენატის არჩევნების პირველი ტური, საპრეზიდენტო არჩევნებთან ერთად, 3 ნოემბერს ჩატარდა. მაშინ გამარჯვებისთვის აუცილებელი, ამომრჩეველთა ხმების 50%-ზე მეტი ვერცერთმა კანდიდატმა მიიღო.