გორში „საქართველოს ფოსტის" კურიერები გაიფიცნენ. ისინი სამუშაო პირობებს აპროტესტებენ და ამბობენ, რომ პანდემიის დროს მათი სამუშაო გაიზარდა, ანაზღაურება კი მიზერულია.
„გორინიუსის“ ინფორმაციით, გაფიცულები ამბობენ, რომ ისინი სამსახურში მათი მოთხოვნების შეუსრულებლობის შემთხვევაში არ დაბრუნდებიან.
ხელფასების მატების გარდა, კურიერები, რომლებიც რეგიონში ძირითადად სკუტერებით გადაადგილდებიან, ჯანმრთელობის დაზღვევასაც ითხოვენ.
გაფიცული კურიერები ამბობენ, რომ მოთხოვნები ხელმძღვანელობას შეატყობინეს, თუმცა პასუხი არავინ გასცა.
„საქართველოს ფოსტის“ კურიერების ხელფასი გორში 450-550 ლარია.
