პოლონეთის საგარეო საქმეთა სამინისტრომ, რომელიც უკრაინისთვის Starlink-ის მომსახურების საფასურს იხდის, ილონ მასკის მიმართ უკმაყოფილება გამოხატა მას შემდეგ, რაც მისმა კომპანია SpaceX-მა უკრაინაში მოძრავი ტერმინალების მუშაობის სიჩქარე შეზღუდა.
„ჰეი, დიდო კაცო, ისევ პოლიტიკას თამაშობ შენი პროდუქციით? შენი ევროპელი მომხმარებლების მსგავსად, ჩვენც თვალს გადევნებთ“, - დაწერა სოციალურ ქსელში პოლონეთის საგარეო საქმეთა მინისტრმა, რადოსლავ სიკორსკიმ. იუწყება უკრაინული მედია.
შეგახსენებ, უკრაინის პრეზიდენტის მრჩეველმა, სერჰი (ფლეშ) ბესკრესტნოვმა განაცხადა, რომ 14 ოქტომბრის ღამეს კომპანია SpaceX-მა უკრაინაში მოძრავი Starlink-ის ტერმინალების მუშაობის სიჩქარე შეზღუდა.
„ჩვენი თავდაცვის ძალები ამ შეზღუდვის შესახებ წინასწარ არ გაუფრთხილებიათ, რამაც რამდენიმე მისიის ჩაშლა გამოიწვია. აშკარაა, რომ ეს გადაწყვეტილება შემთხვევითი ვერ იქნება და არსებულ პოლიტიკურ ვითარებას უკავშირდება“,- აღნიშნა ბესკრესტნოვმა.
