გერმანიის კანცლერის ანგელა მერკელის თქმით, თუ მოქალაქეები შექმნილ ვითარებას უფრო მეტი სერიოზულობით არ მოეკიდებიან, ქვეყანა შესაძლოა პანდემიის მესამე ტალღის პირისპირ აღმოჩნდეს.
"ამ ზამთარს ჩვენ ძალიან ფრთხილად უნდა ვიყოთ. წინააღმდეგ შემთხვევაში, პირდაპირ კორონავირუსის შემდეგი ტალღის წინაშე აღმოვნჩდებით", - თქვა მერკელმე ვიდეოკონფერენციისას, როდესაც ის პოლიციის ოფიცრებს ონლაინრეჟიმში ხვდებოდა.
რობერტ კოხის ინსტიტუტის, გერმანიის დაავადებათა კონტროლისა და პროფილაქტიკის ცენტრის თანახმად, გერმანიაში ბოლო 24 საათში ინფიცირების 11 169 ახალი შემთხვევა გამოვლინდა. სულ ქვეყანაში კორონავირუსის 1 067 473 შემთხვევაა აღრიცხული. 16 636 პაციენტი გარდაიცვალა.
