ავსტრალიის ქალაქ სიდნეიში რეკორდული სიცხეა. კვირას, 29 ნოემბრის დილით, სიდნეიში ჰაერის ტემპერატურამ 40 გრადუს ცელსიუსს მიაღწია, რაც ისედაც ცხელი ნოემბრისთვის რეკორდული აღმოჩნდა.
ღამის საათებში ჰაერის საშუალო ტემპერატურამ 25.4 გრადუს ცელსიუსს მიაღწია.
მაღალი ტემპერატურის გამო, ახალი სამხრეთ უელსის შტატში, რომლის დედაქალაქია სიდნეი, მოსალოდნელი ხანძრის საშიშროება, რის გამოც სახანძრო-სამაშველო სამსახურები სრულ მზადყოფნაში გადავიდნენ.
მეტეოროლოგიური ბიუროს თქმით, შესაძლოა ეს იყოს ქვეყნის ისტორიის ბოლო ათლწეულების განმავლობაში, ყველაზე ცხელი ნოემბერი.
კორონავირუსის პანდემიის მიუხედავად, ავსტრალიის სანაპიროებს ათასობით მოქალაქე ესტუმრა. შტატის ჯანდაცვის სამსახური მოუწოდებს მოქალაქეებს, არ დაივიწყონ სოციალური დისტანცირების წესები, რათა უნებლიედ ხელი არ შეუწყონ ვირუსის გავრცელებას.