*303#-ის დისტანციური მომსახურებით ნახევარ მილიონამდე მოქალაქემ ისარგებლა.
სემეკის მიერ დანერგილი სერვისი - *303#, მოქალაქეებს აძლევს საშუალებას მობილური ტელეფონით მიიღონ კომუნალური მომსახურებების შესახებ ყველა ინფორმაცია.
*303# მომსახურება არ საჭიროებს ინტერნეტთან წვდომას ან სპეციალური პროგრამის ჩამოტვირთვას, ხელმისაწვდომია ყველა ტიპის მობილურისთვის. მომსახურება უფასოა და ვრცელდება მთელი საქართველოს მასშტაბით.
*303# მომსახურებით მოქალაქეებს შეუძლიათ:
დააფიქსირონ მომარაგების წყვეტა, სწრაფი რეაგირებისთვის;
მიიღოს:
ქვითარი;
მიმდინარე ბალანსი;
გეგმიურ და არაგეგმიურ წყვეტაზე ინფორმაცია;
სასურველ აბონენტზე დაარეგისტრირონ ან წაშალონ არასასურველი ნომერი.
ამ ეტაპზე *303# მომსახურებით სარგებლობა შეუძლიათ სს „თელასის“, სს „ენერგო პრო ჯორჯიას“, შპს „თბილისი ენერჯის“, შპს „სოკარ ჯორჯია გაზის“, სს „საქორგგაზის“, შპს „ჯორჯიან უოთერ ენდ ფაუერის“, შპს „მცხეთის წყალის“, შპს „რუსთავის წყალის“ და სს „საქართველოს გაერთიანებული წყალმომარაგების კომპანიის“ აბონენტებს.
მომსახურება ხელმისაწვდომია „მაგთიკომის“, „სილქნეტის“ და „ბილაინის“ მომხმარებლებისათვის.