სლოვაკეთის მთავრობამ მიიღო გადაწყვეტილება ქვეყნის ე. წ. „ნაწილობრივი ჩაკეტვის“ შესახებ. ამასთან, ქვეყანაში განხორციელდება საყოველთაო ტესტირება, 30 ოქტომბრიდან 8 ნოემბრის პერიოდში.
ჩაკეტვა გულისხმობს, 2020 წლის 24 ოქტომბრიდან 1 ნოემბრის ჩათვლით, მთელი ქვეყნის ტერიტორიაზე კომენდანტის საათის შემოღებას. კომენდანტის საათის დროს გამონაკლისს წარმოადგენს შემდეგი სახის გადაადგილება:
ღამის 1 საათიდან, 5 საათამდე მონაკვეთში გადაადგილება;
სამსახურში წასვლა ან ბავშვის სკოლაში წაყვანა;
ექიმთან ვიზიტი ან ტესტირებაზე წასვლა;
ახლო ადამიანის პანაშვიდზე დასწრება ან ახლობელი ადამიანის მოვლის მიზნით გადაადგილება;
სახლთან ახლოს მდებარე პროდუქტის მაღაზიის ან აფთიაქის მონახულება;
ძაღლის გასეირნება სახლიდან 100 მეტრის მანძილზე;
ფოსტის, ბანკის, სადაზღვევო კომპანიის, ქიმწმენდის, ბენზინ გასამართი სადგურის, ან მანქანის სერვისის მომსახურეობით სარგებლობა.
შედარებით გამკაცრებულია წესები სლოვაკეთის იმ ორ რეგიონში (ორავა და ბარდეიოვი), სადაც საყოველთაო ტესტირება 23-26 ოქტომბრის განმავლობაში ტარდება. ამ რეგიონებში, უარყოფითი ტესტის გარეშე გადაადგილება შეუძლიათ მხოლოდ იმ მოქალაქეებს, რომლებიც მიდიან ექიმთან, საყოველთაო COVID ტესტის გასაკეთებლად, უახლოეს მაღაზიაში ან აფთიაქში, ძაღლის გასასეირნებლად ან უახლოესი ადამიანის პანაშვიდზე.
ცნობილია, რომ საყოველთაო ტესტირება, რომელიც სავალდებულოა სლოვაკეთში მცხოვრები ყველა პირისთვის, ჩატარდება სლოვაკეთის მთელ ტერიტორიაზე, 30 ოქტომბრიდან 1 ნოემბრის ჩათვლით და 6 ნოემბრიდან 8 ნოემბრის ჩათლით პერიოდებში. ტესტირების განმავლობაში (2 ნოემბრიდან 8 ნოემბრის ჩათვლით), გარეთ გასვლის გამონაკლისით შეძლებენ მხოლოდ ისარგებლონ უარყოფითი ტესტის მქონე პირებმა.
დაწესებული შეზღუდვების არ გათვალისწინების შემთხვევაში, ნებისმიერი პირი დაჯარიმდება 1659 ევროს ოდენობის ჯარიმით.
რაც შეეხება სასწავლო პროცესს, მიღებული იქნა გადაწყვეტილება, რომ სკოლაში ივლიან მხოლოდ პირველიდან მეოთხე კლასის ჩათვლით მოსწავლეები, ასევე ბაღის ასაკის ბავშვები. დანარჩენი მოსწავლეები 26 ოქტომბრიდან 27 ნოემბრამდე პერიოდში გადავლენ სწავლების ონლაინ რეჟიმზე.
საქართველოს სააელჩო მოგიწოდებთ გააგრძელოთ არსებული უსაფრთხოების ყველა ზომის დაცვა და გაითვალისწინოთ ადგილსამყოფელი ქვეყნის რეკომენდაციები.