რუსეთში, ხაბაროვსკის მხარეში გეგმიური საწვრთნელი ფრენის დროს რუსული ბომბდამშენი Су-34 ჩამოვარდა. იუწყება "ინტერფაქსი" აღმოსავლეთის სამხედრო ოლქის პრესსამსახურზე დაყრდნობით.
"21 ოქტომბერს, ხაბაროვსკის ტერიტორიაზე, გეგმიური საწვრთნელი ფრენის დროს, ჩამოვარდა Су-34. მფრინავებმა მოახერხეს დროული კატაპულტირება. მათ ჯანმრთელობას საფრთხე არ ემუქრება", - ნათქვამია განცხადებაში.
გავრცელებული ცნობით, თვითმფრინავი მინდორში ჩამოვარდა და შემთხვევას ინფრასტრუქტურის განადგურება, ან მსხვერპლი არ მოჰყოლია.
კატასტროფის გამომწვევი მიზეზები უცნობია.
ფოტო: RIA