შეერთებული შტატების ადმინისტრაციამ შეზღუდვები გააფართოვა, გაზსადენ "ჩრდილოეთის ნაკადი 2"-ის წინააღმდეგ მიმართ, რათა მისი მშენებლობა არ დასრულდეს. ინფორმაციას გამოცემა The Wall Street Journal სახელმწიფო დეპარტამენტზე დაყრდნობით ავრცელებს.
"სახელმწიფო დეპარტამენტმა გააფართოვა სანქციათა სპექტრი დაუსრულებული და რუსეთის მხარდაჭერილი გაზსადენის წინააღმდეგ, რომელიც განიხილება როგორც დაძაბულობის წყარო გერმანიას, რუსეთსა და აშშ-ის შორის", - აღნიშნავს გამოცემა.
სახელმწიფო დეპარტამენტის დოკუმენტის თანახმად, ზომები ამოქმედდება იმ კომპანიების მიმართაც, რომლებიც სხვადასხვა ფორმით ჩართულნი იქნებიან ამ პროექტში.
მანამდე სანქციები უწესდებოდათ მხოლოდ იმ კომპანიებს, რომლებიც უშუალოდ უზრუნველყოფდნენნ გემებს პროექტის მშენებლობისთვის, ახლა შეზღუდვები შეეხება მათ, ვინც მომსახურებას მიაწვდის პროექტის მშენებლობაში მონაწილე გემებს.
"გვინდა დავრწმუნდეთ, რომ ყველა მხარეს ესმის, რომ ისინი შესაძლოა მოხვდნენ ჩვენის სანქციების ქვეშ", - განაცხადა სახელმწიფო მდივნის მრჩეველმა ენერგეტიკული რესურსების სფეროში ფრენსის ფეონონმა.
სახელმწიფო დეპარტამენტის განცხადებაში ასევე აღნიშნულია, რომ სანქციები არ დაუწესდებათ კომპანიებს, რომლებიც [20 ოქტომბრიდან] 30 დღის განმავლობაში შეწყვეტენ პროექტის განხორციელებაში ჩართული გემებისთვის მომსახურების გაწევას.
როგორც Dow Jones-ი იტყობინება, აშშ-ის სახელმწიფო დეპარტამენტი პროექტის მთავარ მონაწილეს - რუსეთს მოუწოდებს შეწყვიტოს თავისი ენერგეტიკის რესურსების გამოყენება იძულების მიზნით.
სახელმწიფო დეპარტამენტში მოსკოვს ასევე ადანაშაულებენ რუსულ ენერგომომარაგებაზე დამოკიდებულების შექმნისთვის თავისი პოლიტიკური, ეკონომიკური და სამხედრო გავლენის მოპოვების, ასევე ევროპის უსაფრთხოების შესუსტებისა და აშშ-ის ეროვნული უსაფრთხოებისა და საგარეო პოლიტიკური ინტერესებისათვის ძირის გამოთხრის მიზნით.
აშშ-ის ხელისუფლება ბოლო თვეების განმავლობაში აქტიურ ზომებს მიმართავს პროექტ "ჩრდილოეთის ნაკადი 2"-ის რეალიზაციის წინააღმდეგ.
კერძოდ, აშშ-ის თავაცვის ბიუჯეტის პროექტი, რომელიც კონგრესში მომზადდა, ითვალისწინებს გაზსადენების "ჩრდილოეთის ნაკადი 2"-ისა და "თურქეთის ნაკადის" წინააღმდეგ სანქციების გამკაცრებას.
ფოტო: DPA