ეროვნული ხელისუფლების დამხობას სატანის განდევნის დონეზე ზეიმობდა მთელი საპატრიარქო. განაცხადა მეუფე პეტრემ "ტელეკომპანია პირველის" ეთერში.
მეუფე პეტრეს თქმით, უნდა დაიგმოს ეროვნული ხელისუფლების დამხობაში პატრიარქის და ეკლესიის მონაწილეობა.
"როცა ეროვნულ ხელისუფლებას ვახსენებთ, პირველ რიგში ჩვენ უნდა დავგმოთ, ეროვნული კანონიერი ხელისუფლების იარაღით დამხობა და მონაწილეობა პირადად კათოლიკოს-პატრიარქისა და ეკლესიისა ამ ისტორიის შავბნელ ფურცელში.
ეროვნული ხელისუფლება როცა დაემხო და იარაღით მოსული პუტჩისტების გვერდით აღმოჩნდა ეკლესია და პატრიარქი, მაშინ როდესაც ხალხს ქუჩაში ხვრეტდნენ და ამას დემოკრატიად აცხადებდნენ. მაშინ როდესაც ლამის სატანის განდევნის დონეზე აღნიშნავდნენ და ზეიმობდა მთელი საპატრიარქო 92 წლის შობის დღესასწაულს. ჯერ ეს უნდა დავგმოთ", - განაცხადა მეუფე პეტრემ.
მეუფე პეტრეს თქმით, საქართველოს ეკლესია დღეს კათოლიკოს-პატრიარქს უკანონოდ აქვს მითვისებული.
"ეკლესია დღეს საქართველოს კათოლიკოს-პატრიარქს, ამ პოლიტარქს აქვს მითვისებული, როგორც არსებობს ტერმინი ხელისუფლების მითვისება, ასევე არსებობს ტერმინი და რეალობაა ეს, რომ პატრიარქს აქვს მითვისებული საქართველოს ეკლესია. მან ასევე უკანონოდ დაასახელა მოსაყდრე, რომლის უფლებაც არ ჰქონდა.
ამ უკანონობის ქვეშ იგივე წირვა დღეს, როდესაც მოსაყდრედ იხსენიებენ მეუფე შიოს, არის უკანონობა. ამ უკანონობას აჩვევენ და ხრწნიან სამღვდელოებას, როგორც ზნეობრივად, ასევე სულიერად.
პატრიარქი უკანონოდ, არადემოკრატიული, საბჭოთა მეთოდებით მართავს ეკლესიას. უნდა ვაღიაროთ, რომ სჯულის კანონი არის ფეხქვეშ გათელილი. ეს აჩვენა მრავალმა მოვლენებმა", - განაცხადა მეუფე პეტრემ.