წარმოდგენილი პროექტის მიხედვით საქართველოს 2021 წლის სახელმწიფო ბიუჯეტის შემოსულობების ჯამური მაჩვენებელი წინა წლის მაჩვენებელთან შედარებით შემცირებულია   3 661.2 მლნ ლარით (ძირითადად ვალის აღების შემცირების ხარჯზე) და განისაზღვრება 14 759.1 მლნ ლარის ოდენობით. მათ შორის:
•    შემოსავლები - 11 284.9 მლნ ლარი (2020 წლის დამტკიცებულ გეგმასთან შედარებით გაზრდილია 1 072.2 მლნ ლარით);
    საგადასახადო შემოსავლები შეადგენს 10 450.0 მლნ ლარს, რაც დამტკიცებულ გეგმასთან მიმართებაში გაზრდილია 1 470.6 მლნ ლარით, მათ შორის:
    საშემოსავლო გადასახადის საპროგნოზო მაჩვენებელი იზრდება 609.7 მლნ ლარით და განისაზღვრება 3 599.7 მლნ ლარით; 
    მოგების გადასახადის საპროგნოზო მაჩვენებელი იზრდება 95.0 მლნ ლარით და განისაზღვრება 935.0 მლნ ლარის ოდენობით;
    დამატებული ღირებულების გადასახადის საპროგნოზო მაჩვენებელი იზრდება 592.9 მლნ ლარით და განისაზღვრება 4 347.3 მლნ ლარის ოდენობით;
    აქციზის საპროგნოზო მაჩვენებელი იზრდება 207.0 მლნ ლარით და განისაზღვრება 1 532.0 მლნ ლარის ოდენობით;
    იმპორტის  გადასახადის  საპროგნოზო მაჩვენებელი განისაზღვრა 78.0 მლნ ლარით (იზრდება 8.0 მლნ ლარით);
    სხვა გადასახადის საპროგნოზო მაჩვენებელი განისაზღვრება -42.0 მლნ ლარის ოდენობით.

    სხვა შემოსავლების პროგნოზი 2020 წლის დამტკიცებულ გეგმასთან შედარებით მცირდება 125.0 მლნ ლარით და განისაზღვრება 550.0 მლნ ლარის ოდენობით. 
    გრანტების სახით დაგეგმილი მაჩვენებლები განისაზღვრება 284.9 მლნ ლარით, მათ შორის:
    საბიუჯეტო გრანტების ფარგლებში მისაღები შემოსავლები შეადგენს 185.0 მლნ ლარს. 
    საინვესტიციო გრანტები შეადგენს 49.9 მლნ ლარს (იზრდება 1.6 მლნ ლარით);
    სსიპ-ების მიერ კანონის 35-ე მუხლის შესაბამისად გადმოსარიცხი თანხები რჩება იგივე და შეადგენს 50.0 მლნ ლარს;

•    არაფინანსური აქტივების კლების (პრივატიზაცია) სახით მისაღები თანხების გეგმა, იზრდება 60.0 მლნ ლარით და შეადგენს 150.0 მლნ ლარს;
•    ფინანსური აქტივების კლების (სესხების დაბრუნება) მაჩვენებელი განისაზღვრება 150.0 მლნ ლარის ოდენობით (იზრდება 70.0 მლნ ლარით);
•    ვალდებულებების ზრდის სახით მისაღები სახსრები განისაზღვრება 3 174.2 მლნ ლარის ოდენობით მათ შორის:
    საშინაო ფასიანი ქაღალდების გამოშვებით მისაღები სახსრები შეადგენს 1 000,0 მლნ ლარს. 
    საინვესტიციო კრედიტების მაჩვენებელი შეადგენს 1 374.2 მლნ ლარს;
    საბიუჯეტო დახმარების სახით მისაღები კრედიტების მაჩვენებელი შეადგენს 800.0 მლნ ლარს. 

ამასთან აღსანიშნავია, რომ სახელმწიფო ვალების დაფარვისთვის 2021 წლის ბიუჯეტში გათვალისწინებულია 2 640,0 მლნ ლარი, შესაბამისად ვალის წმინდა ზრდა შეადგენს 534,2 მლნ ლარს.

სახელმწიფო ბიუჯეტის გადასახდელები (ასიგნებები)

    სახელწიფო ბიუჯეტის ასიგნებების მოცულობა იზრდება 1 147.6 მლნ ლარით და შეადგენს             17 071.4 მლნ ლარს. ჯამში ხარჯების მოცულობა 2020 წლის დამტკიცებულ ბიუჯეტთან შედარებით მცირდება 993.7 მლნ ლარით და შეადგენს 11 562.7 მლნ ლარს. ამასთან გასათვალისწინებელია, რომ 2020 წლის სახელმწიფო ბიუჯეტში მიმდინარე წელს განხორციელებული ცვლილებებით ბიუჯეტის ხარჯვითი ნაწილი გაიზარდა ახალი კორონავირუსის (COVID-19) პანდემიის და მისგან გამოწვეული კრიზისი საწინააღმდეგო ღონისძიებების დაფინანსების მიზნით, რომლის მთლიანი ეფექტიც ხარჯვით ნაწილზე 2 მილიარდ ლარს აჭარბებდა, თუმცა 547 მლნ ლარის (199.6 მლნ მიმდინარე ხარჯებში, 347.5 მლნ ლარი კაპიტალურ ხარჯებში) მობილიზება განხორციელდა 2020 წლის სახელმწიფო ბიუჯეტის თავდაპირველი გეგმის შემცირების ხარჯზე. 
    2021 წლის სახელმწიფო ბიუჯეტის ხარჯვით ნაწილში ასახულია მხარჯავი დაწესებულებების პროგრამების უმეტესობის დაფინანსება 2020 წელს ბიუჯეტის შემცირებამდე არსებულ დონეზე, ასევე დამატებითი ხარჯები ისეთი მიმართულებებით, როგორიცაა სახელმწიფო პენსიის ინდექსაცია და მასწავლებელთა ხელფასების ზრდა კარიერული სქემის შესაბამისად. ამ ეტაპზე 2021 წლის ბიუჯეტში ასახული არ არის ახალი კორონავირუსი (COVID-19) გამოწვეულ პანდემიასთან დაკავშირებული ხარჯები და 2021 წლის სახელმწიფო ბიუჯეტის პროექტის საბოლოო ვარიანტში ასახული იქნება სათანადო ხარჯები დაავადების გავრცელების და მაკროეკონომიკური პროგნოზების ანალიზის საფუძველზე.